CCPur in Electric meivar a hmu nawk tah

Posted by Lalremlien Neitham

CCPur, May 03, 2014: April 25, 2014 zana thlipui hrangin Khengjang Power Sub-Station a power petu Electric tower (ban) a mutthluk leia Churachandpur mipui han ni 6 sung zet electric power an hmunaw hnungin May 1, 2014 zantieng 5PM vel khan electric meivar an hmu nawk tah.

Electric hmu hun ding hril thei a la ninaw lai zinga electric a hung var thut chun mipui lawm a hlaw hle.

Thlipui hrangin S. Kotlian le Pengjang khuo inkara electric high tension tower (ban) pahni a mutthluk hai ruok chu siem zo a la ni naw a, hieng tower pahni hai siemzona ding hin hun iemanichen zet a la lut ding niin Electric department chun an hril.

Tuta Electric meivar ei hmu hi Imphal-a inthawk Yairipok-Kakching le Kakching a inthawk Khengjang 132 KV-a power hung pek a ni a, chu taka Khengjanga inthawka power hi hung peksuok a nih tiin Department official hai chun an hril.

Source: Hmasawnna Thar


Blog, Updated at: 7:16 AM
© TLÂNGSAM. Powered by Blogger.