BSYF chun, ONGC-a sinthawtu ding lakdan chungchang-ah Cachar, Karimganj le Hailakandi district-a Deputy Commissioner hai bakah ONGC General Manager kuoma khom lekha an peklut ta nghe nghe bok a nih.
BSYF president Ali Hussain Mira chun, ONGC-a sin pekdan chu an dodal thu a hril a, ONGC hin Class III le IV staff a lakna-ah Barak Valley mipui ditdan ngaituo loin, puotieng mi an lak niin a hril a, Barak Valley ṭhalai sin neilo tam tak hai chanvo inchu pek a nih, tiin a hril.
BSYF chun, Barak Valley-ah sin thaw ding a vang thu tarlangin, fak-le-dawn tienga ngirhmun inhnuoi tak mipui hai ta dingin ONGC hai sin pekdan chu ennon dingin Deputy Commission hai le ONGC GM chu an ngen a nih.
Hi chungchanga hin BSYF chun Barak Valley huom sunga district pathum a hai hin bungheia norna hai khom an huoihot taa, a hlawtling tawk naw leiin bandh hi huoihot dingin an rel ta a nih.
