Aizawl-a college admission hong mek; seat tlawm

Posted by Lalremlien Neitham

Aizawl, May 12, 2014: Tulai hin Aizawl-ah college admission hong ṭan mek a ni a, Aizawl a hin general college 9 a um a, chuong haia degree course 1st semester seat ruok zat chu a rengin 2,760 chauh a nih.

Tu kuma Mizoram-a Class 10+2 (HSSLC) pass zat chu 8,400 an ni a, hienghai lai hin CBSE, IGNOU le NOS anthoka pass suok hai tiemsa an ninaw a nih. Pass suok zat le seat um zat an thlau leiin inchuklai tamtak Aizawl-a inchuk zom nuom haiin harsatna an tong hlak a nih.

Hiengang harsatna hi kum dang khom khan a um hlak a, semester system-a fe pui ani hnung lem chun college tinin inchuklai an dit belsa ngai ta naw bakah an hmunhma khomin a zir ngai ta naw bok a nih.

Kum hmasaa Aizawl-a college kai zom nuom si, seat changlo iemanizat an um taa, inchuklai pawl hai norna lei le sorkar le department hotu tienga norna leiin Aizawl-a college hai chun seat an nei neka tam an laklut ta bok a nih.


Blog, Updated at: 8:04 PM
© TLÂNGSAM. Powered by Blogger.