Hi championship a hin bike khal inelna chi hrang hrang hieng 160cc-Expert Class, 160cc-Novice Class, 250cc-Novice Class, 250cc-Expert Class le Open Class inelnahai nei ning a tih.
MiMSA chun an rider hai ram puotienga inelnaa ṭhang dinga an fe suoknaa hai hma an sawn sap beiseina leiin tuta ṭum hin Motocross buotsai an tum thu an hril a, ram changkang a hai chun Road Racing (Black-top)-ah hma an sawnpui hma’n Bike control hi Motocross Track-ah an inchuktir hmasa tlangpui a nih, tiin an hril.
Mizo thalai ha’n riding skill-ah hmasawnna an nei belsa ngei beiseiin hi intlansiekna hi buotsai a ni a, Bike engine hi Open Class ti lo chu stock vong ning a ta, Bike hrat bik a um naw ding a nih. Tyre le Exhaust ruok chu thlak phal ning a ta, Carburetor le Brake System khom India siem Bike a mi hmang phal ani ding thu MiMSA thuneituhai chun an hril.
