Vatican-in Pope hlui pahnih mi thienghlim-in a puong

Posted by Lalremlien Neitham

Vatican City, April 27, 2014: Roman Catholic kohran hotu lu tak Pope hlui pahnih John Paul II le John XXIII hai chu zani khan mi thienghlim a puong an lo ni tah

Pope hlui pahni mi thienghlima puongna inkhawm buotsai ding hin khawvel hmun hrang hrang anthok mi tam takin Roman Catholic hai hmunpui Vatican City an pan a, State sorkar hotuhai le palai hai khom an ṭhang bok a nih. Tuta ṭum hi a ruola Pope hlui pahnih mi thienghlima puong voikhatna a nih.

Inkhawm hi April 27 zing dar 10 anthokin St. Peter's Square-ah ṭan a ni a, hi inkhawma ṭhang tum mi tam tak chu a zan hmasa anthokin St. Peter's Square hnai thei ang takin an lo riek tawl ta a nih. Inkhawm buotsai a hin Pope anthoka bang tah, Benedict khom a ṭhang bok a nih.

Pope Francis chun Mass buotsaiin, cardinal le bishop 850 velin an pui a. Pope hlui pahnih John Paul II le John XXIII hai chu mi thienghlim-ah puongin, hi hi khawvel pumpuia an kohran ha’n inza taka pom dingin a ngen bok a nih.

John XXII hi kum 1958-1963 sung khan Roman Catholic kohran hotu lu tak a ni a, John Paul II hin 1978-2005 sung khan kum 27 vel Roman Catholic kohran hotu lu tak sin alo chel ta bok a nih.


Blog, Updated at: 6:29 PM
© TLÂNGSAM. Powered by Blogger.