Sakordai-ah pa pakhat ramvak inkap hlum

Posted by Lalremlien Neitham

Sakordai, April 30, 2014: Zani chawhnung dar 5 vel khan Hmarramchhana (k. 25) Sakordai khaw suok chu a ruopa le ramvaka suok chu Sakordai le Vaitin ramri bul, Vaitin ram sunga Luak vadung bulah a silai chawiin ama le ama an kap pal niin ei thu lakna chun a hril a, Hmarramchhana hi a hmun-ah a boral nghal a nih.

Zani chawhnung tieng khan Hmarramchhana le a ruolpa chu silai leh sa an pela, a ruolpa chu fe hmasain tlang sak tieng a ui leh an fe tunga, chawhnung dar 5 vel khan a ruolpa chun thlang tieng silai puok ri thawm a hriet chun a kir thla nawk a, Hmarramchhana chu a thi sain a hmu niin ei thu lakna chun a hril. Hmarramchhana phing lai taka hin silai mu lutna ser a um niin ei thu dongna chun a hril.

Mobile phone hmangin an khuo tieng an chanchin bu an hriettir nghal a, Luak vadung kam hi Sakordai anthoka km 3 vela hla kea lawn ngai a nih.


Blog, Updated at: 7:42 AM
© TLÂNGSAM. Powered by Blogger.