MZP le MSU-in lawmthu an hril

Posted by Lalremlien Neitham

Aizawl, April 26, 2014: Mizo Zirlai Pawl (MZP) le Mizo Student’s Union (MSU) hai chun thusuok siemin MBSE-in HSLC Exam 2014 result a suksuok ta chu lawmum an ti thu le result suksuokna dinga sinthawtuhai thokrimna chu an inpak thu an tarlang.

MZP chun, HSLC 2014-ah Mizo ngeiin pakhatna ngirhumn a lak thu-ah lawmum an ti thu le an suong hle thu an hril a, Top-10 a inlang phak mi 19 lai Mizo 17 an inlang chu an lawmpui thu an tarlang a, hlawtling hai a lawmpui le a ditsakna an hlan ruolin hlawtling lo hai khom an tuorpui ziet an hril bawk.

MSU chun, tukuma HSLC pass percentage 67.51% a ni a, kum 2013 nekin 8.88%-in an sang lem chu duthusam ninaw sienkhom lawmum an ti thu an hril a, “Tulai Mizo ṭhalai ha’n social networking themin hun an khawral nasa a, hi lei hin inchukna tieng khom an tlahnuoi pha niin kan ngai,” tiin an hril a, inchuklai hai chu social network hai hmang dan hun tawk thiem dingin an chak bok a nih.


Blog, Updated at: 6:27 AM
© TLÂNGSAM. Powered by Blogger.