Mi inrubotu mi pathum man

Aizawl, April 18, 2014: Nikum November 23-a Mizoram le Tripura ramri laia Dampa rampui sung anthoka Sanglianthanga, Lalzamliana le Deep Mondal hai inrubotuhai laia ṭhang nia hriet mi pathum hai chu April 17 Mamit police station-ah phur thlung an nia, Mizoram police-in thu an indon theina dingin hun iemanichen kol thei dingin court-in a phal pek.

Inrubotu nia hriet man hai hi – Dhaniram Reang @ Duhawma, Roton Reang @ Chanchinmawia le Roliana @ Liona hai an ni a, Tripura-a Naisingpara khawsuok vong an nih..

Hieng mi pathumhai hi Tripura police haiin an man hnungin Mizoram police kuta inhlan an nih.

West Phaileng Police Station-ah thubuoi siem pek an ni a, Mizoram police haiin thu an indon fie hnungin Tripura-ah thon let nawk phot ning an tih.