Imphal, April 21, 2014: Liemtah April 10 khan Manipur-a tribal kohran pawl hrang hranga ṭhuoituhai chu Chingmeirong-a Seventh Day Adventist Campus-ah inkhawmin thlarau, khawtlang le politics tieng hai nguntaka hriltlangna an nei hnungin tribal Kristien hai lai inremna, inzatonna le inthuruolna a um theina dingin tiin inzomkhawm pawl Tribal Churches Leaders’ Forum (TCLF), Manipur ti chu an siem.
Fekhawmhai chun inzomkhawm pawl siem thar a ding ṭhuoitu an thlang nghal a, president-ah Dr. S. Lalpi Vaiphei, vice-president-ah Rev. Apila Thangal, general secretary-ah Fr. Paul Lelen Haokip, treasurer-ah Pastor Johnny Shimray le information secretary-ah Pastor Lamkeng Lhouvum hai chu thlang an nih.
Hieng ṭhuoituhai baka hin member 10 nei Executive Council le adviser a ding 3 an thlang bawk a nih.
TCLF motto chu "Together we Transform our Society" ti a nih.
Home» Christian Tribals» Manipur» Tribal Churches Leaders Forum» Manipur-ah tribal kohran pawl inzomkhawm siem
Manipur-ah tribal kohran pawl inzomkhawm siem
|
Blog, Updated at: 8:38 PM