“Khehpuam” thubuoi le inzoma man Rozara chu Hospital-a sie lut

Posted by Lalremlien Neitham

width="100"
Aizawl, April 26, 2014: “Khehpuam” tia hrietlar Pseudoephedrine damdawi tam tham tak man thu le inzoma Mizoram police haiin April 20-a an man, MPCC spokesperson le media department-a secretary hlui Lalrozara chu damdawi in-ah sie lut a nih.

Ei thu lakna-in a tarlang danin, Lalrozara hi a zun thlum an sang zuol leiin April 24 khan Central Jail doctor-in damdawi ina enkol dingin a thon a. Aizawl Civil Hospital-ah khum ruok a umnaw leiin Kulikawn-a Alpha Hospital-a private cabin-ah sie lut niin enkol mek a nih.

MPCC media department-a member VZ Kaia hrildanin, Lalrozara hi bail suok tum a ni a, amiruokchu, bail-a suok a nuom naw thu le roreltu hma-ah ngira indiknawna a nei naw leiin thiem a chang ding niin a hril.

Kar liemtaa Mizoram police haiin Pseudoephedrine damdawi Rs. 150 lakh man hu vel an man sui pei naa chun Mizoram police hai chun damdawi ṭhenkhat hai hi Modi Life Care Industries Ltd., Gujarat Industries Development Corporation, Ahmedabad anthoka vuongna’n Aizawl- phur lut ani thu an hril a. Pseudeoephedrine neitu nia intum Lalremsangi Fanai chun thu indon fietuhai kuomah hieng damdawi hai hi a ta ani thu a puong ta niin police hai chun an hril.

Mizoram police hai chun hi thubuoi hi suizom peiin an damdawi man lekha ṭhenkhat hai anthoka an lang danin damdawi ṭhenkhat hai hi Ahmedabad anthoka thon suok an ni thu an hril bawk.


Blog, Updated at: 6:11 PM
© TLÂNGSAM. Powered by Blogger.