Darlawn khuo bul lai bus chesuol, pakhat thi

Posted by Lalremlien Neitham

Aizawl, April 27, 2014: Voisun sun dar 12 vel khan Darlawn anthoka Sawleng khuo pan Bus chu Darlawn khaw bul lai a chesuol leiin lampui thlang feet 100 vel-ah a tlan liem a, a hmuna hin bus a chuong ve Darlawn khaw mi a thi nghal a, hliem khom iemanizat an um.

Ei thu lakna chun, bus hi Darlawn anthoka Sawleng khuo pan a ni a, Sawleng-a Presbyterian kohran biel inkhawmpuia hla sak ding hlapawl phur a ni a, bus a hin mi 12 an chuong a nih. Bus chesuolna a hin Lalkhawngaiha (50) h/o Lalrinawmi, Darlawn Chhimveng chu a hmun-ah a thi nghal a nih.

Bus chesuolna a hin hliem khom iemanizat an um a, hliemhai chu Darlawn damdawi-in panpui nghal an nih. Bus driver le conductor hai bakah bus a chuong ve mi 4 hai chu an na zuol deu leiin Aizawl tieng panpui an nih.


Blog, Updated at: 7:11 AM
© TLÂNGSAM. Powered by Blogger.