Contractor hai sum ding hrentang thu-ah ATSUM lungawilo

Posted by Lalremlien Neitham

Imphal, April 16, 2014: Muan Tombing inrawi All Tribal Student Union, Manipur (ATSUM) chun Manipur sorkar-in tlangram district-a RMSA (school) building bawltu contractor hai harsatna dawn loa an sum hmu ding a pek suok naw chun, thla nawk May 17 anthok khin nasatakin an lungawinawna inentirna’n nuorna an ṭan ding thu an tarlang.

ATSUM chun sorkar-in contractor hai sum hmu ding insuo loa ala hrentang pek zing leiin tuchen hin RMSA building hai hi bo zo theiloin an um leiin an inrol a ngai pha hiel niin an hril. Contractor hai hin hieng building hai hi an sum hmanga an bawl an leiin sorkar-in a thung hma chu an ta a nih, tiin, khar an tum hiel thu an hril bawk.

Hi thu le inzom hin ATSUM chun hung tlung ding April 19 sun dar 11:30 khin ATSUM Office, Nagaram, Imphal-ah contractor hai le inṭhungkhawmna hun a ko a, hi inṭhungkhawmnaa hin contractor hai ṭhang seng dingin a fiel bok a nih.


Blog, Updated at: 9:00 PM
© TLÂNGSAM. Powered by Blogger.