Aizawl-ah Skill Fest, 2014 huoihot tum

Posted by Lalremlien Neitham

Aizawl, April 15, 2014: Zani khan Mizoram Youth Commission (MYC) chun meeting neiin, Mizo ṭhalai hai hmakhuo ngaituona le suk hmasawnna dingin ruohman thar chi hrang hrang an siem a. Hung tlung ding June 4-5 khin Aizawl-ah Skill Fest 2014/Job Mela buoisai dingin an rel a, hi taka ding hin ruohman a ding Rs. 13 lakhs an siem bok a nih.

MYC chun, district tina trade thlang bik hmanga skill development lo fepui mek hai chu huom kim nawk zuol an tum thu an hril a. Hi programme hnuoia hin house wiring, basic electronic (mobile phone repairing), two wheeler repairing, cutting & tailoring, construction/cement work, agriculture, horticulture & veterinary basic skills, beauty culture hai inṭhangsa tir tum niin, Rs. 74 lakhs ruohman a siem a nih.

Mizo ṭhalai hai a tam thei ang tak sipai-ah an lut theina dingin tiin Army Recruitment Office, Zemabawk hai leh ṭhangkopin sipai lak chungchang-ah awareness campaign nei an tum bawk a, hi taka ruohman ding hin Rs. 8,00,000 siem a nih.</div>


Blog, Updated at: 8:56 AM
© TLÂNGSAM. Powered by Blogger.